Үзэгчдийн танил болсон цагаасаа "секс симбол" хэмээн тодорхойлогдсон Меган Дениз Фокс 1986 оны энэ өдөр Ирланд, Франц, Америк гаралтай гэр бүлд мэндэлжээ. Католик шашны сургуульд сурч байсан тэрбээр нэлээд хатуу хүмүүжлээр өссөн бөгөөд найз хөвгүүнтэй болох, найзуудаа гэртээ авчрах зэрэг нь хориотой байжээ. Иймд өөрийгөө авч явах мөнгөтэй болонгуут гэрээсээ тусдаа амьдрах болсон байна.

16 насандаа жүжигчин болсон Фокс алдартай сэтгүүлүүдийн "Нот 100" жагсаалтад байнга багтдаг бөгөөд 2004 оноос нөхөр Брайн Грийнтэй болзож, 2012 онд Ноа хэмээх хүүтэй болсон юм.