БНСУ-д энэ оны эхний улирлын байдлаар гадаадын 1,6 сая иргэн байгаагаас 24057 монгол хүн амьдардаг гэсэн судалгааг гаргажээ. Үүнээс албан ёсны бүртгэлтэй нь 16 мянган иргэн гэнэ. Өнгөрсөн хугацаанд тус улсад гарч байгаа гадаадын иргэн үйлдсэн гэмт хэргийн сэжигтнүүдийн олонхи нь монголчууд гэсэн мэдээлэл байна. Тодруулбал Монголын 1000 иргэн тутамд 23,6 удаагийн гэмт хэрэг ноогддог. харин Узбекстаных 22,2 байгаа бол Казакстан 21,8 удаагийн гэмт хэргийн тоогоор жагсчээ. Гурван жилийн хугацаанд Монгол улсын 737 иргэн гэмт хэргийн улмаас ял авчээ.