Израйлын дээд шүүхээс Ерөнхий сайд асан Эхуд Ольмертыг авлигын хэрэгтэй холбоотой хэмээн үзэж зургаан жил хорих ял, нэг сая шекель буюу 289 мянган ам.доллараар торгох шийдвэр гаргасан байна. Ийнхүү тэрээр шоронд хоригдож буй Израйлын анхны Засгийн газрын тэргүүн болж байгаа юм. Өдгөө 68 настай Эхуд Ольмерт нь  Иерусалимын захирагчаар ажиллаж байх хугацаандаа 145 мянган ам.доллар авч орон сууцны шинэ цогцолбор барих ажлын эрхийг хууль бусаар "Hoyland" гэх компанид эзэмшүүлж, мөнгө хүүлэгчдээс 154 мянган ам.долларын хахууль авч байсан нь шалгалтын явцад тогтоогдсон байна.