Твиттер хэрэглэгчид дахин нэг дээд амжилт тогтоолоо. Өчигдөр /02.29/ Холливудын алдарт жүжигчин Леонардо ДиКаприо анхны “Оскар”-аа хүртсэний дараа твиттер хэрэглэгчид нэг минутын дотор л гэхэд түүнд баяр хүргэсэн 440 мянган жиргээ бичсэн байна.

“ДиКаприо Оскар хүртсэнд баярласан шүтэн бишрэгчид нь нэг минутын дотор л гэхэд 440 мянган жиргээ жиргэсэн. Энэ бол шинэ дээд амжилт” гэж тус компанийн төлөөлөгчид мэдээллээ.

ДиКаприо маш олон киноны гол дүрийг чадварлаг бүтээсэн ч кино академийн хамгийн дээд шагнал болох “Оскар"-ыг хүртэж амжаагүй байсан.

88 дахь удаагийн Оскарын шагнал гардуулах ёслолоос тэрээр "The Revenant" кинонд бүтээсэн дүрээрээ "Шилдэг эрэгтэй жүжигчин"-ээр шалгарч, анхны Оскараа гардан авсан юм.