БНХАУ-ын Шаньдун мужид байх далайн эрэгт өнгөрөгч бямба гарагт 3.7 тонн жинтэй 8.5 метр урт үхсэн халим гарч ирсэн байна. Халимыг харсан орон нутгийн иргэд далайн загасны аж ахуйн товчоонд мэдээлж, тэд шуурхай ажиллан халимыг шинжилгээнд оруулахаар авч явжээ.

Тэдний үзэж буйгаар халим хууль бус агнуурчдын тавьсан торонд боомилогдсон байж магадгүй ажээ. НҮБ-аас 1986 онд халим агнахыг хориглосон шийдвэр гарсан ч өнөөг хүртэл хууль бус ан агнуур хийгээд халим болон далайн гахайг хамгаалах нөхцөл байдал төдийлөн бүрдэхгүй байгаа юм. Тодруулбал Шаньдун мужид л гэхэд халим хамгаалах 36 цэг байдаг ч өнгөрөгч онд 773 халим хууль бусаар агнагдсан гэх тоон мэдээлэл гарчээ.