Домогт Бийтлз  хамтлагийн тэдний хит дуунууд болох She loves you, All my loving зэрэг дуунуудыг дуулах үед Жон Леннон агсаны тоглож байсан гитар дуудлага худалдаагаар $ 2.41 сая ам.доллараар зарагджээ. Энэ удаагын дуудлага худалдааг “Жулиэнс” гэх компани АНУ- ын Лос Анжелес хотноо зохион байгуулжээ.1962 оны 9-р сард Жон Леннон Ливерпуль хотоос 161 фунт стирленгээр худалдан авчээ. Гэвч энэ гитар 1963 онд Лондон хотноо зохион байгуулагдсан “Finsbury Park Christmas Show” тоглолтоос хойш алга болсон бөгөөд 50 гаруй жилийн турш хаана байгаа эсэх нь тодорхойгүй байжээ. Гэвч дуудлага худалдаа зохион байгуулсан компани уг гитарыг хаанаас ямар байдалтай олсон тухай тодорхой мэдээлэл өгөөгүй байна.