АНУ-ын “Heroes” зэрэг киногоороо танигдсан жүжигчин Хейден Панеттьер өнгөрсөн жил  нярайлж, бяцхан охинтой болсон билээ. 

Гэвч төрсний дараах сэтгэл гутралын өвчнөөр шаналж, бие нь муудсаны улмаас эмнэлэгт хэвтэн эмчлүүлж байгаа талаарх мэдээллийг ойрын хүн нь мэдээлжээ. Жүжигчин бүсгүй эдүгээ 26 настай бөгөөд өнгөрсөн жилийн арванхоёрдугаар сард охиноо төрүүлсэн юм.

Хейден Панеттьер үүнээс өмнө ч сэтгэл гутрах өвчнөөр өвдөж байсан билээ. Түүнчлэн, “Nashville” гэх мюзикл кинонд тоглохдоо өөртэйгөө ижил төрсний дараах сэтгэл гутрах өвчнөөс шаналж буй Жулиетте Барнес гэх эмэгтэйн дүрийг бүтээж байсан юм.