Гурван төрлийн загвар байгаа бөгөөд эхнийх нь одоогийн ерөнхийлөгч Владимир Путиний гарын үсэгтэй бол хоёр дахь нь хувьсгалын удирдагч Владимир Ленин, гурав дахь нь Оросын анхны эзэн хаан нэгдүгээр Петр хаанд зориулсан загвар аж.

Алтан гадаргуутай, Путиний гарын үсэгтэй цаг нь орчин үеийн Москва хотыг хүрээн дээр нь дүрсэлсэн бөгөөд цагны титэм дээр Оросын бэлгэ тэмдгийг буулгасан юм байна.

Путиний гарын үсэгтэй загвар

Энэ цаг нийт 999 ширхэг худалдаанд гарах бөгөөд төмөр оосортой нь 197,000 рубль буюу 6,304,000 төгрөг, харин арьсан оосортой нь 192,000 рубль буюу 6,144,000 төгрөг аж.

Оросын анхны эзэн хаан нэгдүгээр Петрт зориулсан хувилбар нь мөн л алтан гадаргуутай, цагны титэм дээр эзэн хааны бэлгэ тэмдгийг дүрсэлсэн бөгөөд одоо Санкт Петербург дэх Эрмитажийн музейд үзмэрүүдийн дунд байрлаж байгаа юм байна.

Нэгдүгээр Петр хаанд зориулсан загвар

Хэрвээ энэ хувилбарыг худалдаж авахыг хүсвэл арьсан оосортойг нь 182,000 рубль буюу 2844 ам. доллар, төмөр оосортой нь 187,000 рубль буюу 2922 ам. доллар төлөх хэрэгтэй.

Харин их хувьсгалч Ленинд зориулсан загвар нь саарал өнгөтэй бөгөөд үүгээрээ хүч чадал, зүрх зориг, тэвчээр хатуужлыг илэрхийлэх гэсэн гэж Caviar тайлбарлажээ. Кремлийн ордныг дүрсэлсэн байхаас гадна СССР гэж бичсэн энэ цаг ёстой л Орос төрхийг шингээсэн цаг юм.

СССР гэж бичсэн, алх хадуур дүрсэлсэн Ленин загвар

Дээрээс нь таны таамаглаж байгаачлан цагны титмэн дээр алх, хадуур дүрсэлжээ. Хэдийгээр алтан хувилбар байхгүй ч гэсэн та энэ цагийг нэгдүгээр Петр хааны загвартай ижил үнээр худалдан авч болно.

Үнэнийг хэлэхэд Caviar-ын Apple Watch хямдхан эд биш ч гэлээ, Apple компанийн өөрсдийнх нь санал болгож байгаа 10,000 ам. доллароос эхлэх алтан загвараас хамаагүй хямд юм.

Caviar-ын өмнө нь бүтээж байсан алтан iPhone, дээрээ Путиний хөргийг байрлуулжээ