Техасын Сан Антонио хотын Rob Ferrell гэдэг Мастер үсчин үйлчлүүлэгчдийнхээ хүсэлтээр толгой дээр нь оддын зургийг үсээр нь бүтээж өгдөг байна. Нелсон Мандела, Мэрилин Монро гээд түүнд хийж чадахгүй царай гэж ховорхон.

Rob the Original хочтой тэрээр зөвхөн захлагч хутга, нүдний харандаа, үс засдаг машин л хэрэглэж бүтээлүүдээ туурвидаг нь гайхалтай. Мужаан мэргэжилтэй Роб анх 2008 онд дүү дээрээ анхны бүтээлээ туурвин туршилт хийжээ. Дараа нь тэр гэрийнхээ ойролцоо байдаг жижиг үсчинд ажиллаж багагүй үйлчлүүлэгчидтэй болсон боловч 2012 онд түүний туурвисан сагсан бөмбөгийн од Тони Паркерийн дүрс нетээр хаа сайгүй цацагдсан тэр л мөчөөс түүнийг суран ирэх мянга мянган үйлчлүүлэгчдийн тоо тасрахаа байжээ.