"Алтан бөмбөг"-ийн эзэн Криштиан Роналдо сүйт бүсгүйгээсээ салснаас хойш анх удаа түүний талаар ам нээлээ. "Ирина Шейк бид хоёрын харилцаа 5 жилийн дараа дуусгавар боллоо. Ийм алхам хийсэн нь дээр гэж бид шийдсэн. Би Иринад асар том аз жаргалыг хүсч байна" гэж Криштиан Роналдо мэдэгдэв. Тэд салсан шалтгаанаа ярихгүй байгаа ч гэсэн олон нийтийн өмнө бие биеийнхээ мууг дуудалцахгүй гэж тохиролцсон бололтой. Иринаг казах эртэй холбосон дуулиан намжаагүй байхад одоо Криштианыг испани хүүхэнтэй амрагийн холбоотой гэж интернэтээр нэг шуугиж байна. Криштиантай цуг зургаа авахуулсан энэ бүсгүй бол Испаний телевизийн хөтлөгч Лусия Виллалон. Ямартай ч 26 настай Лусия түүний нэлээд эртний танил гэнэ. Яагаад гэвэл Лусия бол "Реал Мадрид" клубын теле сувагт ажилладаг.