Тансаг Дубайн сүр жавхлантай, үлгэрийн мэт гайхамшигтай галын буудлага дахин дэлхийн дээд амжилт тогтоолоо. Галын буудлагын зэрэгцээ гэрлэн ба лазерын шоу болжээ. Энэ үеэр 4 байршлаас нэгэн зэрэг бичлэг хийж дэлхий даяар цацсан байна.

 Дэлхийн хамгийн өндөр барилга болох 829 метр өндөр Бурж-Халифа цамхаг тэр чигтээ асар том LED дэлгэц болж хувирчээ. Үүнд 70 мянган LED панель ашигласан байна. Үүнийг ч бас Гиннесийн дээд амжилтын номонд бүртгэж авчээ. Энэ ер бусын, гайхалтай шоуг үзэхээр олон зуун мянган хүн хуран цугларсан байлаа. Нэмж өгүүлэхэд, Дубайн өнгөрсөн жилийн галын буудлага ч бас Гиннесийн дээд амжилтын номонд бүртгэгдсэн билээ.