Телевизийн олон ангит “veronica-mars” киноны гол дүрд тоглож, Уолт Дисней кино компанийн бүтээсэн “frozen” хүүхэлдэйн киноны Аннагийн дүрийг дуу оруулсан жүжигчин Кристен Белл хоёр дахь хүүхдээ өлгийдөн авчээ. Кристен өнгөрсөн жилийн гуравдугаар сард ууган хүүхдээ төрүүлж байсан юм. Улмаар хүүхдийнхээ эцэг болох жүжигчин Дакс Шэпардтай тэр  оныхоо аравдугаар сард тун даруухан хурим хийсэн билээ. Харин өнгөрөгч зургадугаар сард хоёр дахь хүүхдээ тээж буйгаа албан ёсоор зарлаад авсан Кристен саяхан нярайлж бяцхан гүнжтэй болсон байна. Тэрбээр энэ баярт мэдээгээ өөрийн твиттер хуудсаараа дамжуулан үзэгч фэнүүдтэйгээ хуваалцжээ.