Реалити шоуны од Ким Кардашиан ирэх тавдугаар сарын 21-нд Ром хотноо болох хуримынхаа ёслолд Ерөнхийлөгч Барак Обамаг урьсан тухай “Hollywood.com” мэдээлжээ.

Тэрээр Ким Кардашиан өөрийн блогтоо Ерөнхийлөгчдөө хандаж “Обама ахаа та дэндүү ядарсан харагдаж байна. Би мэднээ надад дургүйг чинь. Тэгэхдээ Америкт сүүлийн үед толгой өвдөх асуудал их байгаа учир би гол зүйлээ хэлье. Кардашиан миний бие танд гайхалтай санал тавъя. Ирэх сард болох Кейни Уэст бид хоёрын хуриманд ирж, жинхэнэ аз жаргал гэж юу болохыг мэдрэхийг хүсвэл залгаарай. Би хүлээж байя” хэмээн утасны дугаараа бичиж үлдээсэн аж.