Хятадын уран бүтээлч саяхан Францад очиж, тун сайхан амарч уулын цэвэр агаараар ханатал амьсгалж байгаад иржээ. Тэрбээр нутагтаа эргэж ирэхдээ сэрүүн уулын цэнгэг агаараас хэд хэдэн шилэнд савалж авчирч, Бээжингийн агаарын бохирдлоос залхсан хүмүүст хилийн чанадаас авчирсан агаараа дуудлага худалдаагаар заржээ. Синьхуа агентлагийн мэдээлснээр Францаас ирсэн гэх тэрхүү агаар нь нэг шил тутамдаа 5250 юань буюу 860 доллар хүрч, дээд амжилт тогтоосон байна. Агаарыг дамлан зарсан Лиан Кеган “Цэвэр агаар нь үнэлшгүй үнэт эд тул шинээр тогтоосон дээд үнэ нь чухамдаа асар хямд үнэ юм” гэж орон нутгийн хэвлэлд өгсөн ярилцлагадаа цохон тэмдэглэсэн байна. - See more at: http://world.time.mn/content/43988.shtml#sthash.12RlO85V.dpuf