Боргата нь Итали хэлээр жижигхэн тосгон гэсэн утгыг илэрхийлдэг ч бодит байдал дээр санаснаас ч том зугаа цэнгэлийн өргөө юм. 2003 оноос үйл ажиллагаагаа явуулж эхэлсэн энэхүү казино нь Нью Жерси мужийн хамгийн том, Атлантик Ситигийн хамгийн их ашиг олдог казино ажээ. Казиног АНУ-ын Иллинойс, Индиана, Луизиана, Миссисипи муж болон Лас Вегас хотноо казинотой “The Boyd Gaming” компанитай хамтарч байгуулсан юм байна.

 Лиссабон казино нь Португалийн нийслэл Лиссабон хотын очиж үзвэл зохих №1 газруудын нэг бөгөөд Европын томоохон казиногоор нэрлэгддэг. Казино 2006 оноос үйл ажиллагаагаа явуулж эхэлсэн ба Макаод салбартай юм. Лиссабон казиногийн томоохон хувьцаа эзэмшигч нь Хятадын мөрийтэй тоглоомын хаан гэгддэг Стэнли Хо байдаг бөгөөд казиног 143.5 сая ам.долларын өртгөөр бүтээн байгуулсан юм байна.

Холливудын өнгө төрхийг шингээсэн тансаг зэрэглэлийн энэхүү зочид буудал нь 1993 онд нээгджээ. Анх нээгдэж байхдаа дэлхийн хамгийн том зочид буудлаар нэрлэгдэж байсан бол өдгөө өрөөнийхөө тоогоор дэлхийд хоёрдугаарт бичигддэг. Казино болон зочид буудлын үйлчилгээ үзүүлдэг “The MGM Grand Las Vegas”-ийн гол барилга нь 89 м өндөр нийт 30 давхар юм. Энд казиноноос гадна 35.000 м2 талбайг хамран орших таван усан сан, хүрхрээ байх ажээ.

БНХАУ ба Хонг Конгоос ирэх жуулчдын өргөнөөр үйлчлүүлдэг энэ казино 2004 онд байгуулагджээ. Казиногийн архитектур шийдлийг “The Steelman Partners, LLP” компанийхан гаргаж барилгын ажлыг нь гүйцэтгэсэн байдаг юм. “The Sand Macao” нь АНУ дахинаа зочид буудал, казино, амралтын газрын бизнес эрхэлдэг “The Las Vegas Sands Corp.”-ийн мэдэлд байдаг ба $240.000.000 ам.доллараар баригджээ. Компаний CEO Шелдон Адельсоны тэмдэглэснээр энэ нь “Америк маягийн Макао” гэгддэг юм.

”The MGM Resorts International” компаний ажилуулдаг Лас Вегас дахь казиногийн №2 дахь салбар бөгөөд Хятадын мөрийтэй тоглоомын магнат Стэнли Хогийн охин Панси Хотой хамтран байгуулж байжээ. 35 давхар барилга бүхий энэ казино 2007 оноос үйл ажиллагаагаа явуулж байгаа ба $1.25 тэрбум ам.долларын өртгөөр бүтээн байгуулагдсан юм байна.

“The Tusk Rio Casino Resort” нэрээрээ олны танил болсон “The Rio Casino Resort” нь дэлхийн өмнөд тал бөмбөрцгийн хамгийн том казино юм. Энэ нь Йоханнесбургээс хэдхэн цаг машинаар яваад хүрэх газарт байрладаг ба 2002 оноос үйл ажиллагаагаа явуулж байгаа юм. Харин 2006 оноос нэрээ өөрчилж “The Rio Casino Resort” болжээ.

Загасчдын цуглардаг жижигхэн мухлагаас дэлхий дахины хамгийн алдартай, хамгийн том казино болтлоо өргөжсөн түүх 2008 оноос эхтэй ажээ. “The Macau Success Limited” ба “SJM - Investment Limited” компаний хамтын өмч “The Ponte 16 Resort Macau” казино нь мөрийтэй тоглоом, зочид буудлын үйлчилгээнээс гадна төрөл бүрийн дуудлага худалдаа, урлаг соёлын арга хэмжээнүүдийг чадварлагаар зохион байгуулдаг юм. Энд Өмнөд Африк, Тайвань зэрэг орон орноос ирсэн уран бүтээлчид ая дуугаа өргөдөг бол Майкл Жексоны бээлийг дуудлагаар худалдсан байдаг. Бээлийний үнэ $350.000 ам.доллар хүрсэн нь төсөөлж байснаас 8 дахин өндөр үнээр зарагджээ.

АНУ-ын томоохон казинонууд нь зөвхөн Лас Вегас, Атлантик Ситигийнхээр хэмжигдэхгүй. 1986 оноос үйл ажиллагаагаа явуулж байгаа “The Foxwoods Resort Casino” нь АНУ-ын №2 дахь томоохон казино юм. Энд дэлхийн 5000 хүний багтаамжтай дэлхийн хамгийн том бинго заал байдаг. Казиног 1992, 1997 ба 2007 онуудад сэргээн засварласан бөгөөд дөрвөн зочид буудал, зургаан казинотой цогцолбор газрын нийт талбай 440.000 м2-аар хэмжигдэнэ.

“CoD” нэрээрээ дэлхийд танигдсан энэ казино харьцангуй шинэхэн буюу 2009 оноос үйл ажиллагаагаа явуулж байгаа юм. БНХАУ-даа төдийгүй дэлхийд алдартай “The City of Dreams Casino” казинод 200 гаруй брэнд дэлгүүр, 20 гаруй ресторан зоогийн газар бий. “The Melco Crown Entertainment”-ийн мэдэлд байдаг казино нь компаний томоохонд тооцогдох №2 дахь байгууламж ажээ. Зочид буудал, казиногийн зориулалт бүхий байгууламжийн гурван давхар нь бүхэлдээ казино юм.