Google компанийн 2005 оноос  хөгжүүлж  эхэлсэн ухаалаг  гар утас, таблет зэрэг хөдөлгөөнт хэрэгслүүдэд зориулсан андройд үйлдлийн систем 2007 оны энэ өдөр олонд ил болжээ. Дэлхийн зах зээлийн 70 гаруй хувийг эзэмшиж байгаа андройд системээр ажилладаг 500 сая төхөөрөмж өдгөө идэвхтэй байгаа бөгөөд 1.3 тэрбум хүн андройдыг хэрэглэж байна. Одоо алдарт Samsung, HTC гээд олон гар утас үйлдвэрлэгч Android OS   ашиглан Apple iphone, Nokia-тай өрсөлдөж, зарим талаар түрүүлэн ардаа орхисоор байгаа билээ. Андройд ашигласан анхны утас 2008 оны 10 сард зарагдсан байна.