Өнөөдөр Балжинням, Дашням давхацсан намрын дунд сарын шинийн 17-ны билэгт сайн өдөр тохиож байна. Энэ өдөр буяны үйл хийгээд шинэ хувцас өмсөх, чимэг зүүх, аливаа үйлийг хийхэд өлзийтэй сайн хэмээн Монголчууд  бид бэлгэшээдэг.

Сүү цагаан идээ, ургацаа хураасан намрын эдгээр налгар өдрүүдэд тохиодог Балжинням, Дашням давхцсан өдрийг монголчууд бэлгэшээж хурим, найр хийдэг уламжлалтай. Энэ жил Гэрлэх ёслолын ордонд 70 гаруй хос хуримаа хийж, гал голомтоо бадраахаар бүртгүүлжээ.
Ингээд билэгт сайн энэ өдөр гал голомтоо бадрааж буй хосууддаа аз жаргал хүсье.