Дэлхийн 189 орныг өөртөө нэгтгэсэн Олон улсын шуудангийн холбоо 1969 оноос аравдугаар сарын 9-ний энэ өдрийг "Дэлхийн шуудангийн өдөр" болгон тэмдэглэхээр зарлажээ. Тус холбооны гишүүн орнууд 6800 өөр хэлээр бичигдсэн захидлыг эздэд нь биечлэн хүргэж өгдөг байна. Өгөөдэй хааны өртөөний зохион байгуулалтын үеэс Монголд шуудан харилцаа үүссэн гэж үздэг. Интернэт харилцаа хүчээ авсан өнөө үед ч шууданчид өдөрт хэдэн сая захидал, илгээмжийг дэлхийн өнцөг булан бүрт хүргэж байна.