Энэ долоо хоногт нийтийн тээврийн үйлчилгээнд согтуугаар том оврын автобус жолоодож зорчигч тээврийн үйлчилгээнд оролцсон хоёр тохиолдлыг гудамж зам дахь цагдаагийн хяналт шалгалтаар илэрүүлжээ. Нийтийн тээврийн үйлчилгээ эрхэлж буй байгууллага, албан тушаалтны ажлын хариуцлага муу байгааг  эндээс харж болохоор байна.  Тодруулбал “Эрдэм транс”, “Эмсит” компаний жолооч нараас энэхүү зөрчил илэрчээ. “Эмсит” компаний автобус тээврийн хэрэгслийн гэрчилгээгүй, жолооч нь нэг бүхэл 93 хувийн согтолттой байсан байна. Энэ нь анхны тохиолдол ч биш юм байна.