Бурхан шашинтны төв Гандантэгчинлэн хийдийн тагтаа олширсноор халдварт өчвин нэмэгдэх хандлагатай болсоныг мэргэжлийн хяналтын байцаагчид онцлов. Мөн хүний биед төрөл бүрийн өвчин үүсгэх нян, вирус амьтнаар дамжих өндөр эрсдэлтэй орчин бүрдсэнийг онцлон хэлжээ. Тиймээс бага насны хүүхдүүд Гандангийн орчинд амьсгалын замын болон гэдэсний халдварт өвчин авах өндөр магадлалтай байгаа гэж үзэн гар дээрээс тагтаа хооллох, будаа худалдаалахыг мэргэжлийн байгууллагууд хориглосон байна.