БНСУ-ын ЭСЯ-наас Монголчуудад 12 дугаар сарын 1-ны өдрийг хүртэл Монгол Улсын иргэдэд виз олгохгүй байгаа тухай мэдээлэл түгэх болсон. Тэгвэл уг мэдээлэлтэй холбоотойгоор тус Яамны зүгээс залруулга гаргасан байна. БНСУ-ын ЭСЯ-ны зүгээс “Зарим хэвлэл мэдээллийн хэрэгсэл, олон нийтийн сүлжээгээр Бүгд Найрамдах Солонгос Улсаас Монгол Улсад суугаа Элчин сайдын яамнаас 12 дугаар сарын 1-нийг хүртэл монгол иргэдэд жуулчны виз олгохгүй байгаа тухай ташаа мэдээлэл гарч байна. Өнөөдөр буюу 10 дугаар сарын 3-ны өдөр тус ЭСЯ нь төрт Солонгос Улс байгуулагдсан өдрийг тохиолдуулан ажиллахгүй бөгөөд бусад өдрүүдэд БНСУ-г зорихоор виз мэдүүлж буй иргэдийн материалыг хүлээн авч, бүх төрлийн визийг хэвийн олгож байгаа болно” хэмээжээ.