Клубийн гишүүд захын хорооллын иргэдийг  чадваржуулах сургалт, оролцоог дэмжсэн ажлуудыг ч зохион явуулж байх ба суралцах ая тухтай орчныг бүрдүүлж ажиллахаар зорьжээ. Ротаригийнхан номын санд тавигдах шаардлагын дагуу ном, номын тавиур, сэтгэхүй хөгжүүлэх тоглоомууд, сургалтад шаардагдах техник, тоног төхөөрөмж бүхий иж бүрэн ангийн тохижилтыг бүрэн хийж гүйцэтгэсэн байна.

Дашрамд дурдахад, Ротари нь дэлхий даяар 1.2 сая гишүүнтэй бизнес, нийгмийн манлайлагчдаас бүрдсэн байгууллага бөгөөд ротаричууд хүмүүнлэгийн үйлс, ёс суртахууны өндөр стандартыг мэргэжлийн түвшинд харуулж, энхтайван найрамдалт харилцааг дэмжих зорилготой нийгмийн үйлчлэлийн байгууллага юм.