Элсэлтийн ерөнхий шалгалтын бүртгэл өнгөрөгч хоёрдугаар сарын 5-наас эхэлсэн билээ. Өнөөдрийн байдлаар шалгалтын бүртгэлийн явц 60 гаруй хувьтай байгаа аж.Энэ жилийн хувьд Ерөнхий боловсролын сургуулийг 35000 гаруй хүүхэд төгсөх юм байна.

Түүнчлэн өмнөх оны бүртгүүлэгчид нэмэгдээд 41000 орчим хүүхэд ЭЕШ-тад бүртгүүлэх урьдчилсан тооцоо байгаа гэнэ.
Энэ жилээс эхлэн шалгуулагчид шалгалт өгөх ЭЕШ-ын байр, анги танхим, суудлын хуваарийг баталгаажуулсан өөрийн бүртгэлийн дугаар болон нууц үгийг ашиглан ирэх тавдугаар сарын 15-аас хойш www.eec.mn сайтаас хэвлэн авах боломжтой болжээ.