Шүүхийн ерөнхий зөвлөлөөс "Шүүх ба олон нийт хөтөлбөр"-ийг баталж, шүүгч болон шүүгчийн захиргааны ажилтны сургалт зохион байгуулсан талаар өчигдөр мэдээллээ. Хөтөлбөрийн хүрээнд шүүхийн үйлчлэлийг ил тод, нээлттэй, хүртээмжтэй болгох, олон нийтийн хяналтыг тогтоох нөхцөлийг бүрдүүлэх үүднээс шүүх хуралдааныг зайнаас буюу онлайнаар үзэх боломжийг бүрдүүлсэн байна. Түүнчлэн орон нутагт ажиллаж буй шүүгчдийг зайны сургалтад хамруулж, ажлын байрандаа сурах нөхөцлийг бүрдүүлснээр төсөв, цаг хугацааны хувьд хэмнэлт гаргах юм байна.