Улс орнуудын эв найрамдал, нөхөрлөл, харилцан ойлголцлыг бэхжүүлэх үйлсэд хувь нэмэр оруулах зорилготой галт бамбарт буухиа гүйлтэнд оролцогчдыг 09 дүгээр сарын 8-ны өдөр Хан-Уул дүүргийн Засаг даргын орлогч Д.Азжаргал, Биеийн тамир, спорт хорооны дарга Б.Мөнх-Эрдэнэ  болон  “Аварга” дээд сургуулийн тамирчин  сурагчид, дүүргийн БТСХ, Соёлын төв ордоны ажилтан, албан хаагчид хүлээн авлаа. “Үйлдвэрчний Соёлын Төв Ордоноос-Эрх чөлөөний талбай “ маршрутын дагуу Баянгол дүүргийн иргэдээс  “Галт бамбар”-ыг хүлээн авч Чингэлтэй дүүргийнхэнд хүлээлгэн өгөх ёслолын ажиллагааг зохион байгууллаа. Дашрамд сонирхуулахад 2014 оны Ази Номхон далайн бүсийн Энх Тайвны гүйлтэнд азийн томоохон 13 орон нэгдэн орсон бөгөөд Монгол улс энэхүү бүсийн гүйлтэнд 3 дахь удаагаа нэгдэн орж байгаа аж.