Сайншандад барих 50 мВт-ын хүчин чадал бүхий салхин паркийн гүйцэтгэгчийг сонгон шалгаруулах тендерийн  дүнг ирэх 10 дугаар сард танилцуулах юм байна. Уг салхин паркийн барилга угсралтын ажлыг 2015 онд  эхлүүлж, 2016 онд ашиглалтад өгөхөөр төлөвлөжээ. Төсөлд 20 сая ам.долларын санхүүжилт шаардлагатайгаас  хувьцаа эзэмшигчдээс 30 хувийг, банк, санхүүгийн байгууллагын зээлээр 70 хувийг гаргах юм. Гол хөрөнгө оруулагч “Ferrostaal” компани  шаардлагатай хөрөнгө оруулалтыг хийж эхэлсэн аж. Гүйцэтгэгчийн тендерт  ХБНГУ-ын “Siemens”, Данийн “Vestas” АНУ-ын “General electric” консорциум өрсөлдөхөөр болсон байна..