Ойрын өдрүүдийн цаг агаарын мэдээгээр зүүн аймгийн нутгаар нойтон цас орох төлөвтэй байгаа аж. Тодруулбал18-нд төв, зүүн зүгийн нутгийн хойд хэсгээр, 19-нд зүүн зүгийн нутаг, баруун зүгийн нутгийн баруун хэсгээр бага зэргийн хур тунадас, 20-нд баруун зүгийн нутаг, төвийн нутгийн баруун хэсгээр, 21 нд нутгийн зүүн хагаст хур тунадас, нойтон цас орно. Салхи 19-нд баруун зүгийн нутгаар, 20-нд ихэнх нутгаар, 21-нд говь, талын нутгаар секундэд 18-20 метр хүрч, шороон болон цасан шуурга шуурна. Алтай, Хангай, Хөвсгөл, Хэнтийн уулархаг нутгаар шөнөдөө 1-6 градус хүйтэн, өдөртөө 11-16 градус, Их нууруудын хотгор болон говийн бүс нутгийн  өмнөд хэсгээр шөнөдөө 8-13 градус, өдөртөө 22-27 градус, бусад нутгаар шөнөдөө 1-6 градус, өдөртөө 16-21 градус дулаан байна. 20-нд нутгийн баруун хагаст, 21-нд ихэнх нутгаар хүйтэрнэ.