Өнөөдөр оюутан, залуучууд хүссэн ажилдаа, хүссэн цагтаа ажиллах боломжтой болж байна. Сүүлийн үед цагийн ажил гэдэг зүйлийг нийгэмд хамгийн их дэлгэрүүлж, мэдүүлж, таниулж байгаа газар бол МЗХ-ны дэргэдэх Залуучуудын хөдөлмөрийн төв бирж юм. Өнгөрсөн хугацаанд цагийн ажил хөдөлмөрийн яармагууд зохион байгуулсан бөгөөд өнгөрсөн долоо хоногт л гэхэд СУИС-ын урд талбайд оюутнуудад зориулагдсан “Явуулын хөдөлмөрийн бирж” ажиллаж 480 гаруй ажил хайгч бүртгүүлснээс 250 нь ажлын байранд шууд зуучлагдсан байна. Тэгвэл энэ сарын 17-ны өдөр 12.00 цагаас Туушин зочид буудлын 5 давхарын "Соёмбо" танхимд "Цагийн ажил" өдөрлөг зохион байгуулагдах юм байна. Мөн өнөөдөр маргааш хоёр өдөр "Явуулын хөдөлмөрийн бирж" СБД-ийн 15-р хороонд ажиллах юм.