Хан-Уул дүүргийн Засаг дарга Ж.Ганхуяг нэхмэлийн шар байрны дарга нартай уулзана
Нийслэлийн Иргэдийн Төлөөлөгчдийн Хурлын тэргүүлэгчдийн тогтоолоор батлагдсан “Ашиглалтын шаардлага хангахгүй нийтийн зориулалттай орон сууцны барилгыг дахин төлөвлөн барилгажуулах журам”-ын 6, 7дугаар заалтын дагуу төсөл хэрэгжүүлэгчийг шалгаруулах Үнэлгээний хороог Нийслэлийн Засаг даргын 2014 оны 08 дүгээр сар 15-ны өдрийн А/709 тоот захирамжаар баталсан билээ. Үнэлгээний хороог дүүрэг тус бүрт тухайн дүүргийн Засаг даргаар ахлуулсан юм. Энэхүү Үнэлгээний хорооны гишүүдийг баталсантай холбогдуулан Хан-Уул дүүргийн 2,3-р хорооны 1,2,3,4,5,6,7,8,9,10,11,12,13,15,16,17,18,19,25,26-р байруудийн дарга нартай Засаг дарга Ж.Ганхуяг 2014 оны 9 дүгээр сар 17-ны өдөр 16:00-д Хан-Уул дүүргийн “Иргэдэд үйлчлэх төв байр”-ны хурлын зааланд уулзахаар болсон байна. Уулзалтанд: Дүүргийн Засаг дарга бөгөөд Үнэлгээний хорооны дарга Ж.Ганхуяг, Эдийн засаг төлөвлөлтийн хэлтсийн дарга Л.Доржбат, ИНХ-ын дарга Б.Энххөдөлмөр Б.Алтанцэцэг 2,3-р хорооны засаг дарга Ч.Наранцэцэг, Ч.Пүрэвсүрэн, дахин төлөвлөлт хариуцсан ахлах мэргэжилтэн Б.Мэндсайхан нар оролцох юм байна.