Сүүлийн жилүүдэд Австралийн Засгийн газрын тэтгэлэгт хөтөлбөрүүд Монголд өргөжих болсон билээ. Тус улсын 20 их, дээд сургууль, ахлах сургуулиудын танилцуулгыг багтаасан үзэсгэлэн, яармаг ирэх бямба гарагт буюу 9-р сарын 20-нд болох гэж байна. Дэлхийн топ 100 их сургуулийн 7 нь Австралид байдаг. Их, дээд сургуулийн зэрэглэлээрээ Их Британ болон Герман, Нидерландыг ардаа орхидог. Бизнес, эдийн засаг, худалдааны чиглэлээр Азийн оюутнууд сурах нь элбэг байдаг аж. Тус улсын Засгийн газраас жилд 200 сая долларыг тэтгэлэгт хөтөлбөрт зарцуулдаг. Дэлхийн оюутанд ээлтэй 30 хотын тав нь энэ улсад байдаг байна.  Үзэсгэлэн яармаг, “Туушин” зочид буудлын 5 давхарт болно.