Хууль зүйн яам болон яамны харъяа агентлагууд ирэх бямба гарагт Чингисийн талбайд "Нээлттэй хаалганы өдөр"-ийг зохион байгуулахаар болжээ. Өдөрлөгийн үеэр агентлагууд иргэдэд мэдээлэл өгөхөөс гадна зарим төрлийн үйлчилгээг үзүүлэхээр болсон байна. Үүнд хаяж үрэгдүүлсэн, гэмтээж ашиглах боломжгүй болсон төрсний болон гэрлэлтийн гэрчилгээг дахин бичиж олгох, гадаад пасспортын хугацаа сунгах, шинээр захиалга авах, мөн гэмтээсэн цахим үнэмлэхний захиалга, хүсэлтийг хүлээн авч буцаан олгох гэнэ.