Монгол улсын иргэнд газар өмчлүүлэх тухай хуулийн хэрэгжилтийг хангах, нийслэл дэхь газар өмчлөлийн ажлыг эхлүүлэх зорилгоор таван дүүрэгт газар өмчлөх ажлыг цахимаар явуулсан билээ. Өнгөрсөн сарын 30-ны өдөр газар өмчлөх өргөдлийг хүлээн авах сүүлийн хугацаа байсан ч тодорхой шалтгааны улмаас өгч чадаагүй иргэдийн өргөдлийг энэ сарын 8-12ны өдрүүдэд харъяа дүүрэгт нь авахаар болсон байна. Хэрвээ энэ хугацаанд иргэд дахин бүртгүүлээгүй тохиолдолд албан ёсоор сонгогдсон эрхийг нь хүчингүй болгоно гэдгийг Нийслэлийн өмчийн харилцааны газраас мэдэгдлээ.