Монголын залуучуудыг өдрийг тохиолдуулан Монголын залуучуудын холбооноос салбартаа амжилт гарган хамт олныхоо дунд манлайлагч, амжилттай ажиллаж байгаа, шинийг санаачлагч бүтээгч залуусаа шагнаж урамшууллаа. Олон нийтэд үнэн зөв мэдээллийг цаг алдалгүй түгээж, сэтгүүлзүйн салбарт амжилттай яваа ikon.mn сайтын ахлах редактор Ч.Болортуяа, gogo.mn сайтын ахлах редактор Б.Эрдэнэчимэг, “Монголын үнэн” сонины нийгэм соёл спорт гадаад мэдээний албаны дарга Б.Сэлэнгэ, Айст телевизийн сэтгүүлч Д. Энхтүвшин, нарыг МЗХ-ны “Тэргүүний залуу сэтгүүлч” цол тэмдгээр шагналаа.

Мөн Бээжин хотод зохиогдсон "2014 ARC Cup" Олон улсын гагнуурчдын ур чадварын III дахь удаагийн тэмцээнд амжилттай оролцон аргон гагнуурын төрөлд 2-р байр эзэлсэн ДЦС-4 ТӨХК-ийн гагнуурчин Ч.Авгаандэмбэрэлийг “Залуу зохион бүтээгч” шагналаар тус тус шагналаа.