Хичээлийн шинэ жилийн үзэсгэлэн худалдаа УДЭТ-ын урдах талбайд нээлтээ хийлээ. Үзэсгэлэнд Монголын оюутны холбоо, "Хөөндий" сурагчийн цүнхний үйлдвэр, болон сурагчийн дүрэмт хувцас, хичээллийн хэрэглэл үйлдвэрлэдэг албан ёсны байгууллагууд оролцож байна. Тус үзэсгэлэн энэ сарын 31-ыг хүртэл явагдах бөгөөд эцэг эхчүүдэд үндэсний үйлдвэрлэлийн чанартай барааг дэлгэн үзүүлж байгаагаараа тус үзэсгэлэн онцлогтой болж байгаа юм байна.