Монголын нарийн боов, бялуу, жигнэмэгний зах зээлийн дийлэнх хувийг эзэлдэг "Солонгос" тодотголтой "Wendy bakery"-гийн хороолол дахь салбарт жоом илэрчээ. Хэрэглэгчийн хэлснээр "Ханан дээр нь жоом явж байсан бөгөөд үйлчилгээний ажилтанд хэлэхэд салфитикаар аваад л алчихсан" гэлээ. Хамгийн цэвэр байх ёстой үйлчилгээний зааланд нь жоом явж байгаа юм чинь хүнд харагдахгүй хэсгүүд гал тогоонд нь мөн л байгаа байхдаа гэсэн бодол төрж байна. Мэргэжлийн хяналтын газраас эдгээр газруудад хэдий хугацаанд шалгалт хийж зөвшөөрөл олгодог нь ил тод бус байдаг. Wendy bakery ч гэлтгүй Солонгосын хоолны газруудад чийгтэй халуун орчинд жоом амьдрах таатай нөхцөлийг бүрдүүлдэг. Эдгээр газрууд хэрхэн ариутгал хийж ажилладаг нь тийм ч ил бус байсаар л байна. Нөгөө гаднаа гяланцаг дотроо паланцаг гэдэг л болж байх шиг. Гадуур хооллохдоо хүнсний аюулгай байдалдаа анхаархыг үүгээр анхааруулсаар л байна.