НИТХ-ын Тэргүүлэгчдийн 98 дугаар тогтоолоор "Зориулалтын дугуй түгжигч ашиглах журам"-ыг хэлэлцэн баталсан. Уг журам энэ сарын 15-аас эхлэн хэрэгжих бөгөөд тээврийн хэрэгслийн дугуйг түгжих ажлыг Замын хөдөлгөөний удирдлагын төв хариуцаж, гүйцэтгэлийг хувийн байгууллага, аж ахуй нэгжээр хийлгэх ажээ. Хамтран ажиллах санал ирүүлсэн дөрвөн аж ахуй, нэгж байгууллагатай өнгөрсөн сарын 31-ний өдөр гэрээ байгуулсан юм байна. 

Ингэснээр энэ сарын 15-ны өдрөөс эхлэн хориглосон газар зогссон тээврийн хэрэгслийг ачихгүй, зөвхөн жолооны хүрдний талын урд дугуйг түгжих юм байна.