Төв цэвэрлэх байгууламж нь лагаа бүрэн боловсруулж, эрчим хүч үйлдвэрлэн дотоодын хэрэглээнийхээ 35 хувийг хангана

2026 оны 11 сарын 06

Arslan.mn

Нийт 55 барилга, байгууламжаас бүрдэх шинэ Төв цэвэрлэх байгууламж нь лагаа бүрэн боловсруулж, эрчим хүч үйлдвэрлэн дотоодын хэрэглээнийхээ 35 хувийг хангах юм. Энэ нь жилд 7-8 тэрбум төгрөгийн эрчим хүч хэмнэх тооцоолол гарсан.

Нийслэлчүүддээ нэг асуудлыг анхааруулъя!

Хотынхны буруу хэвшил нь бохирдлын хэмжээг нэмэгдүүлснээс Төв цэвэрлэх байгууламжид техник тоног төхөөрөмжийн эвдрэл, гэмтэл үүсгэж байгааг мэргэжлийнхэн анхааруулсаар байна.

Тиймээс нийслэлийн иргэн Та усанд уусдаггүй 00-ын цаас, салфетка, хоолны илүүдэл өөх тосыг ариутгах татуургадаа хийхээс татгалзаж, зөв дадал хэвшилд суралцаж бусдадаа хүндэтгэлтэй хандахыг уриалж байна.