Үндэсний статистикийн хорооноос мэдээлсэн гол нэрийн хүнсний бүтээгдэхүүний үнийн судалгаагаар Улаанбаатар хотод хонины ястай махны үнэ өмнөх долоо хоногоос 1,066 төгрөгөөр буюу 4.2 хувиар буурчээ.

Тодруулбал, 2026 оны арваннэгдүгээр сарын 2-ны байдлаар хонины ястай махны нэг килограммын дундаж үнэ 24,368 төгрөг болсон байна. Харин өмнөх долоо хоногт буюу аравдугаар сарын 26-ны байдлаар 25,434 төгрөгийн үнэтэй байжээ.

Мөн энэ хугацаанд ямааны ястай махны үнэ 1,394 төгрөгөөр буюу 6.9 хувиар, үхрийн ястай махны үнэ 492 төгрөгөөр буюу 1.7 хувиар тус тус буурсан байна.

Ийнхүү гол нэрийн махны үнийн хувьд өнгөрсөн долоо хоногт буурах хандлага ажиглагджээ.