Иргэн “Х” нь бусдын амь насыг хохироогоод хэргийн газраас зугтаж, улмаар хүүхдүүд нь түүнийг нуун дарагдуулж, хаацайлсан хэрэг гарчээ.

Тодруулбал, Энэ оны аравдугаар сарын 29-ний өдөр 19 цагийн орчимд "Манай гэрт орж ирсэн хүн сэрэхгүй байна" гэх дуудлага мэдээлэл бүртгэгдсэн. Бүртгэгдсэн дуудлага мэдээллийн дагуу шалгалтын ажиллагаа явуулахад иргэн Х бусдын амь насыг хохироогоод хэргийн газраас зугтсан байна. Улмаар иргэн Х-ийн хүүхдүүд түүнийг нуун дарагдуулж, хаацайлжээ. 

Уг этгээдийг аравдугаар сарын 30-ны шөнө Чингэлтэй дүүргийн нутаг дэвсгэрээс барьжээ.

Тэрбээр амиа хорлох зорилгоор үдээс, хутга гэх мэт эд зүйлсийг биедээ авч явж байсныг таслан зогсоолоо.