Урьд шөнө цагдаагийн алба хаагчид явган эргүүлийн үүрэг гүйцэтгээд 03:00 цагийн орчимд харих замдаа жирэмсэн эмэгтэй хүн гүүрнээс үсрэх гэж байхад амь насыг нь аварчээ.

Тодруулбал, жирэмсэн эмэгтэй Маршалын гүүрэн дээрээс үсрэхийг завдаж байхад нь Хан-Уул дүүргийн цагдаагийн газрын Нэгдүгээр хэлтсийн эргүүлийн офицер, цагдаагийн дэслэгч Н.Мандах-Эрдэнэ, Н.Алтаншагай нар иргэний амиа хорлох оролдлогыг таслан зогсоож, тусламж үзүүлжээ.

Иргэн В гэр бүлийн таарамжгүй харилцааны улмаас гэрээсээ гарсан аж.