Улсын Хоёрдугаар Төв Эмнэлэг нь 10 дугаар сарын 16-ны “Дэлхийн нурууны өдөр”-ийг тохиолдуулан Мэдээгүйжүүлэг, өвдөлт намдаах тасгийн дэргэд “Өвдөлт намдаах сургалтын өрөө”-г нээлээ. Нээлтийн үйл ажиллагаанд УИХ-ын гишүүн Т.Мөнхсайхан оролцлоо.

Энэ өдөр Монгол Улсын Хүний гавьяат эмч, Анагаах ухааны доктор Ш.Энхтүвшин болон эмч, мэргэжилтнүүдийн хамтран бүтээсэн “Олон мэргэжилтний өвдөлт намдаах төв хөгжүүлэх гарын авлага”-ын нээлт боллоо. Энэхүү үйл ажиллагаа нь өвдөлт намдаах тусламж үйлчилгээний чанарыг сайжруулах, эмч, мэргэжилтнүүдийн мэдлэг, ур чадварыг дээшлүүлэх, олон мэргэжлийн багийн хамтын ажиллагааг бэхжүүлэхэд чухал ач холбогдолтой юм.