10.00 цагт: Баавгай хүний аминд хүрсэн талаар Цагдаагийн байгууллагаас мэдээлэл өглөө.

10 дугаар сарын 7-ноос 8-нд шилжих шөнө 01 цагийн үед БЗД-ийн 35-р хороо Улиастай "Бурхантын ам" гэх газарт баавгай гэррүү нь дайрлаа гэх мэдээллийг цагдаагийн газарт мэдэгдсэн байна. Цагдаагийн байгууллага шуурхай арга хэмжээ авч ажиллажээ. Шалгалтын явцад 40 настай эмэгтэй нүүрэн хэсэгтээ баавгайд самардуулсан, 55 нас эрэгтэй нас барсан байдалтай нөхцөл байдал тогтоогдсон. Эмэгтэйн хувьд гэрээс гарч зугтаан амьд үлдсэн байна. Яг одоогийн байдлаар ГССҮТ-д эмчлүүлж байна.

Нас барсан эрэгтэйн хувьд гэрээс тодорхой зайнд цогцсыг олж тогтоон шалгалтын ажлыг хийгээд явж байна. Энэ оны байдлаар нийm 597 баавгайтай холбоотой дуудлага мэдээлэл ирсэн байна.

Баавгайг эрэн хайх ажиллагааг үргэлжлүүлэн явуулж байна. 

07.00 цагт: Баянзүрх дүүргийн 35 дугаар хорооны нутаг дэвсгэр, Хужир буланд өнгөрсөн шөнө баавгай суурин газрын айл руу орж, хүний аминд хүрсэн хэрэг гарчээ. 

Тодруулбал, 35 дугаар хорооны нутаг дэвсгэр Хужир буланд суурин газраас алслагдмал суурьшдаг айлд баавгай орж 40 гаран насны эрэгтэй хүний аминд хүрч, 50 орчим насны эмэгтэйн биеийн байдал хүнд эмнэлэгт байгаа аж. 

Мөн бидэнд олдсон мэдээллээр, 40 настай эрэгтэйн цогцсыг баавгай зууж гэрээс нь 100 орчим метрт хаясан байжээ.

Иймд ард, иргэдийг баавгай харсан тохиолдолд аюулгүй байдлыг сахиж, тухайн газрас нэн даруй холдон холбогдох байгууллагад мэдээллэхийг зөвлөж байна.