Гудамжаар явж байсан иргэнийг өсвөр насны хоёр хүүхэд мотоциклтой ирж, дээрэмдэхээр оролдож, биед нь халдсан гэх мэдээлэл цахим орчинд нийтлэгдлээ.

Тодруулбал, нэгэн иргэн өөрийн цахим хуудаснаа энэ талаар мэдээлэхдээ “Өнөөдөр аавыг ажлаасаа гараад гэр рүүгээ Мөнелийн тэнд алхаж явж байхад өсвөр насны хоёр эрэгтэй хүүхэд мотоциклтой ирж, дээрэмдэхээр оролдож, биед нь халдсан байна. Аав аргагүй өөрийгөө хамгаалсан гэнэ. Аав гайгүй” хэмээн бичжээ.

Мөн тэрбээр эцэг, эхчүүдэд хандан хүүхдүүддээ тавих хараа хяналт, анхаарлаа сайжруулахыг уриалсан байна.

Тэрбээр “Өсвөр насны хүүхдүүдийг шөнө орой хараа хяналтгүй явуулж, бусдын биед халдах, дээрэм хийх хэмжээнд хүргэхгүй байх нь маш чухал” хэмээн анхааруулжээ.