Цахим сүлжээнд “Мал, мах хямд үнээр зарна. 300 тооны төлөг, тугалтай үнээ олноор нь зарна” гэх хуурамч зар байршуулж, иргэдийг залилсан этгээдийг цагдаагийн байгууллагаас баривчилсан байна. Уг хэрэгт эрэн сурвалжлагдаж байсан этгээдийг Баянгол дүүргийн нутаг дэвсгэрээс дайчлан баривчилжээ. Мөрдөн шалгах ажиллагааны явцад тухайн этгээд нь иргэдэд 600 гаруй сая төгрөгийн хохирол учруулсан болох нь тогтоогдоод байна.

Иймд цахим сүлжээнд байршсан мал, мах болон бусад бараа бүтээгдэхүүнийг зах зээлийн ханшаас хэт хямд үнээр санал болгосон зар мэдээллийг сайтар нягталж, залилах гэмт хэргийн хохирогч болохоос урьдчилан сэргийлэхийг цагдаагийн байгууллагаас анхаарууллаа.