Дахин нэг хүчирхийлэлд амьдарч буй эмэгтэй олон нийтэд хандлаа.

Тэрээр өөрийн цахим хуудснаа  "Энэ постыг бичих гэж би маш удаан бодлоо. Учир нь энд миний амьдралын бүх цаг үеийн найз, ах, эгч, дүү, хамтран ажиллагсад гээд би ч танил олонтой хүн намайг мэдэх бүх хүн энд бий. Маш удаан бодож байж энд бичлээ.

Би хамтран амьдрагчдаа жирэмсэн байхаасаа эхлүүлээд 2 жилийн турш зодуулж ирсэн. Зүгээр нэг маргалдсан тухай биш. Уурласан үедээ гар хүрдэг, айлгадаг, доромжилдог тэр бүхнийг би олон удаа тэвчиж, дуугүй өнгөрөөсөн. Цагдаад ч удаа дараа дуудлага өгсөн.

Би “маргааш өөрчлөгдөнө” гэж итгэсэн.

“Гэр бүлээ бодъё” гэж өөрийгөө тайтгаруулсан.

“Хүүхдээ бодоод тэвчье” гэж өөртөө хэлсэн.

Ямар ч шалтгаан хүнийг зодох зөвтгөл биш.

Би хэний ч уурыг даах гэж төрөөгүй.

Би айж амьдрах гэж гэр бүл зохиогоогүй.

Би хүүхдээ хүчирхийллийг хэвийн зүйл гэж харж өсгөхийг хүсэхгүй байна.

Өнөөдөр би анх удаа олон хүний өмнө үнэнийг хэлж байна.

Би хүчирхийлэлд өртсөн.

Би буруугүй.

Би дахиж дуугүй тэвчихгүй.

Хүн хүнээсээ айж амьдрах ёсгүй.

Би одоо өөрийгөө болон хүүхдээ хамгаалах сонголтыг хийж байна.

Доорхи зурганд Хүний царайг хавсаргалаа. Үргэлжлүүлэн илүү дэлгэрэнгүй бичих болно!" гэжээ.

Эх сурвалж: Шинэгэрэл Найдансүрэн