НҮБ-ын Цөлжилттэй тэмцэх конвенцын Талуудын 17 дугаар бага хурал (UNCCD COP17)-ын хүрээнд Хууль зүй, дотоод хэргийн яам, харъяа агентлагууд үйл ажиллагаагаа танилцууллаа.

Энэ үеэр цагдаагийн байгууллагаас байгаль орчны эсрэг гэмт хэрэг, зөрчилтэй тэмцэх, урьдчилан сэргийлэх, экологийн боловсролыг дээшлүүлэх чиглэлээр хэрэгжүүлж буй ажлаа оролцогчдод танилцуулах ажлыг зохион байгуулсан юм.

Тус арга хэмжээнд Хууль зүй, дотоод хэргийн сайд С.Амарсайхан болон холбогдох албаны хүмүүс оролцлоо.

Олон улсын хэмжээний энэхүү арга хэмжээнд цагдаагийн байгууллагаас байгаль орчныг хамгаалах, гэмт хэрэг, зөрчлөөс урьдчилан сэргийлэх чиглэлээр хэрэгжүүлж буй ажлын туршлагаа солилцсон нь цөлжилттэй тэмцэх, байгаль орчныг хамгаалах үйлсэд хууль сахиулах байгууллагын оролцоо, хамтын ажиллагааг нэмэгдүүлэхэд чухал ач холбогдолтой юм.