Онцгой албан татварын тухай хуулийн 6.3 дахь хэсэгт заасан импортын автомашины онцгой албан татварын хэмжээн дээр нэмж 33 хувийн татвар ногдуулах шийдвэрийг энэ оны зургаадугаар сарын 26-ны өдрийн нэмэлтээр тус хуульд тусгасан.

Тодруулбал, импортолж буй автомашины гаалийн үнэ 360 сая төгрөгөөс давсан хэсэгт 33 хувийн онцгой албан татвар нэмж ногдуулах шийдвэр энэ оны наймдугаар сарын 10-ны өдрөөс хүчин төгөлдөр мөрдөгдөж эхэллээ.