Ахмадууд өнгөрсөн жилээс эхэлж тэтгэврийн мөнгө амьдрал ахуйд хүрэлцэхгүй байгаа тул нэмэхийг удаа дараа шаардсан. Өнөөдрийн байдлаар ахмадуудын бүрэн тэтгэврийн доод хэмжээ 769 мянган төгрөг, харин хувь тэнцүүлэн тогтоосон тэтгэврийн доод хэмжээ 652,400 төгрөг, дундаж хэмжээ 826,200 төгрөг байгаа юм. 

Засгийн газраас тэтгэврийг 1.5 сая төгрөгт хүргэх боломжгүйгээ зарлаж, ажилласан жил, төлсөн шимтгэлийнхээ хэмжээнээс хамаарч тэтгэвэр авдаг байхаар тогтолцоог өөрчилсөн нь 2027 оны нэгдүгээр сарын 1-ний өдрөөс эхлэн мөрдөгдөнө. Ингэснээр ахмад настны тэтгэвэр 100 мянгаас 300 мянган төгрөгөөр нэмэгдэх боломжтой болж байгаа юм.