Зөрчилтэй барааг гаалиар нэвтрүүлсний хариуд нэг сая төгрөгийн хахууль авчээ.

Тодруулбал, Ж.Г нь гаалийн улсын байцаагчаар ажиллаж байхдаа  “М... ” ХХК-ний 2026 оны 2 дугаар сард гаалийн мэдүүлгээр Монгол Улсад импортолсон зөрчилтэй бараанд хяналт шалгалт хийн гаалийн хилээр нэвтрүүлж, албаны чиг үүргээ хэрэгжүүлсний хариуд бусдаар дамжуулан бэлнээр 500 мянган төгрөг, 2026 оны 4 дүгээр сард бэлнээр 500 мянган төгрөг, нийт 1 сая төгрөгийн хахууль авчээ.

Уг хэрэгт Нийслэлийн прокурорын газраас  Эрүүгийн хуулийн 22.4 дүгээр зүйлийн 1 дэх хэсэгт (нийтийн албан тушаалтан хахууль авах) зааснаар яллах дүгнэлт үйлдэж, шүүхэд шилжүүлжээ.