Монгол Улсын Ерөнхийлөгч, Зэвсэгт хүчний Ерөнхий командлагчийн нэрэмжит төрийн цэргийн болон хууль сахиулах байгууллагуудын “Марш-тусгай бэлтгэлийн цогцолбор тэмцээн”-д Дотоодын цэргийн байгууллагын эрэгтэй салааны байнгын бүрэлдэхүүн "Дэд байр", хугацаат цэргийн бүрэлдэхүүн "Гутгаар байр"-т тус тус шалгарсан амжилттай оролцсон билээ.

Цэргийн алба хаагчийн бахархал, Монгол цэргийн олимпод хурд хүч, авхаалж самбаа, тэсвэр хатуужлаараа шалгаран тэргүүлсэн алба хаагчдад Монгол Улсын Ерөнхийлөгчийн батламж, Цагдаагийн ерөнхий газрын дарга, Дотоодын цэргийн командлагч болон Дотоодын цэргийн штабын даргын тушаалаар шагнаж, урамшуулав.

Мөн энэ үеэр Цагдаагийн байгууллагын 105 жилийн ой, Дотоодын цэргийн байгууллагын 104 жилийн ойг тохиолдуулан эрхэлсэн ажилдаа идэвх зүтгэл, үр бүтээл гарган ажилласан зарим алба хаагчдад цол, шагнал гардууллаа.